Tett ved båthamna finn ein den fine badestranda i Herand. Mange dugnadstimar er lagt ned for å få den så fin som den er blitt! Kvar vår vert det og rydda og reinska opp her så det skal vera klart for ny sesong. Her er gode badeforhold både for vaksne og born, og det er fint lagt til rette for å tilbringa mange timar her om ein vil. Toalett – og dusjanlegg i båthamna kan nyttast, og kiosken er open om ein skulle ynskja å kjøpa seg noko forfriskande.